SEZON TAX 2027: SA OU DWE PREPARE POU DEKLARE LAJAN OU TE TRAVAY POU ANE LA 2026

Sezon tax 2027 la ap pèmèt nou deklare lajan nou te touche pandan ane 2026 la.

Se yon bon moman pou kòmanse rasanble dokiman ou yo pou ou kapab fil tax ou san pèdi tan.

DAT ENPÒTAN

Dat limit federal pou pifò moun soumèt deklarasyon taks 2026 yo epi peye taks yo dwe a se 15 avril 2027.

Dat IRS ap kòmanse aksepte deklarasyon tax pou sezon 2027 la poko anonse. N ap mete enfòmasyon an ajou lè IRS pibliye dat ofisyèl la.

DOKIMAN POU PREPARE

1. Moun k ap aplike poukont yo (Single)

• ID, lisans chofè oswa paspò

• Social Security Number oswa ITIN, si sa aplikab

• Fòm W-2 si ou te travay kòm anplwaye

• Fòm 1099 si ou te resevwa lòt revni

• Enfòmasyon sou kont labank pou depo dirèk, si ou vle

• Adrès imel ak nimewo telefòn

2. Moun k ap aplike ak timoun

• Tout dokiman ki nan lis anlè a

• Non ak dat nesans timoun yo

• Social Security Number oswa ITIN timoun yo, si sa aplikab

• Enfòmasyon ki nesesè pou verifye kalifikasyon timoun yo kòm depandan

3. Moun marye k ap aplike ansanm (Married Filing Jointly)

• ID oswa paspò pou toude mari ak madanm

• Social Security Number oswa ITIN pou toude, si sa aplikab

• W-2 ak 1099 pou chak moun, si sa aplikab

• Enfòmasyon sou timoun oswa lòt depandan, si sa aplikab

• Enfòmasyon sou kont labank pou depo dirèk, si ou vle

4. Moun ki travay pou tèt yo (Self-Employed)

• ID oswa paspò

• Social Security Number oswa ITIN, si sa aplikab

• Fòm 1099, si ou resevwa yo

• Enfòmasyon sou revni biznis ou

• Lis depans biznis ou ak resi ki disponib

• Enfòmasyon sou kont labank, si sa nesesè

5. Moun ki travay pou tèt yo epi ki gen timoun

Prepare dokiman pou travay endepandan yo ansanm ak enfòmasyon ki nesesè pou timoun ak lòt depandan yo.

KIJAN POU JWENN RANBOUSMAN OU?

Si ou kalifye pou yon ranbousman, ou kapab chwazi depo dirèk nan kont labank ou. Tan IRS pran pou trete yon deklarasyon ak voye ranbousman an kapab varye selon dosye a.

Pa gen okenn garanti ke tout moun ap resevwa ranbousman oswa resevwa menm kantite lajan.

PARE POU SEZON TAKS 2027 LA?

Mr. Calixte Imigrasyon ap ede kliyan prepare deklarasyon taks yo avèk atansyon.

Pou plis enfòmasyon oswa pou pran randevou, kontakte nou sou WhatsApp: +1 239-895-2646.

Tanpri, pa voye Social Security Number, dokiman idantite oswa lòt enfòmasyon finansye sansib atravè mesaj WhatsApp san nou pa ba ou yon metòd ki apwopriye pou transmèt yo an sekirite.

Enfòmasyon sa yo se enfòmasyon jeneral. Kalifikasyon pou kredi, dediksyon ak ranbousman depann de sitiyasyon chak kontribyab.